Descrizione
Su Comunu de Barúmini, impari a is comunus de Tuiri, Biddanoa Franca, Gésturi, Is Pratzas e Setzu, cun su progetu
SA MARMIDDA CHISTIONAT IN SARDU
finantziau de sa Regione Autònoma de Sardigna cunforma a sa L.482/99 "Normas in matéria de amparu de is minorias linguísticas istóricas" e a sa L.R. 22/2018, fait isciri a is Tzitadinas e a is Tzitadinus chi de su 5 de Friaxu 2024 e finas a su 22 de Donniasantu 2024 incarrerant is fainas de s'Ufítziu de Língua Sarda.
S'Ufítziu at a èssiri in preséntzia in sa Bibblioteca Comunali, in Pratza San Francesco, su cenàbara (una cida eja, una cida nono), de is dexi de a mengianu a is duas de a merí (10.00 - 14.00).
S’operadori, Lisandru Garau, fait a ddu intendi a is cuntatus chi sighint:
posta eletrónica: samarmiddachistionatsusardu@gmail.com
telèfunu: 389 0604 873
pàgina facebook: https://www.facebook.com/samarmiddachistionatinsardu
S’Ufítziu de sa Língua Sarda est a disponimentu de is Iscolas, de is Assótzius, de is Atividadis cumertzialis e artisanas, de is tzidadinas e tzitadinus chi bolint:
fueddai in sardu cun s'Amministratzioni Comunali;
apariciai ainas/materialis po pipius e piciocheddus;
imparai a ligi e iscriri in sardu;
apariciai ainas/materialis po is atividadis cosa insoru ( es. locandinas, cartellinus o etichetas merceológicas);
otenni informatzionis chi pertocant sa língua, is traditzionis e s’istória de sa Sardigna;
e àteras cosas.
